• fcrj_fca_047.jpg
  • fcrj_fca_049.jpg
  • fcrj_fca_052.jpg
  • fcrj_fca_059.jpg
  • fcrj_fca_061.jpg
  • fcrj_fca_072.jpg
  • fcrj_fca_125.jpg
  • fcrj_fca_137.jpg
  • fcrj_fca_138.jpg
  • fcrj_fca_154.jpg
  • fcrj_fca_155.jpg
  • fcrj_fca_165.jpg
  • fcrj_fca_168.jpg

Saisonschluss-Event 2018/2019

Dä Frauebricht - als Gedicht

Frauen 1
20. Juni 2019
Text:  Edy Morger

„Schnauze“ rüefe –bi dä Fraue - es no go, ich würd mi nie getraue.

Drum bitt ich fründlich um Rueh – loset mir nu eimal zue.

Ä laangi Saison isch es gsi – und trotzdem dänk i schnäll verbi.

Insgesamt sind’s fascht vierzg Spiel – plus 3x Training das isch viel.

Es git au immer viel Absenze – schaffe, lerne, Feriä au mal schwänze?

Die Nati B verlangt vu allne viel – Mission Ligaerhalt heisst s‘grosse Ziel.

Verletzigspech – Meli, Rita, Laura –3 muess ich leider erwähne –

keis Wunder flüsst ab und zue emal ä Träne.

Drum hilft dass jedi für die ander rennt – en Hockeymatch oder en Teamevent.

Es Highlight isch au s’Trainingslager gsi – nur schaad sind do nöd all debi.

Au dä Verein hät euses Talent entdeckt – dä Medi-Check organisiered ihr perfekt.

Bim Arzt lernsch vieles känne – mit Bäll i dä Garette muesch eifach Renne.

Au s‘Pastaesse vor dä Spiel – bringt für eusä Teamgeischt viel.

Dä Rückrundestart dä hät eus gfalle – 1 Punkt in Thun und en Sieg gäg St.Galle.

Doch leider ich verstohs nöd ganz – fehlt eusem Team ab und zue Konstanz.

Nöd immer hämmer dä beschti Tag – dänn git’s au prompt ä Niederlag.

 Doch chunnt’s druf a ä Siegesserie – Rappi isch au nächst Johr i dä Nati B debi.

S’Ziel isch erreicht ich chan eu lobe – trotzdem bliibt immer Luft nach obe.

Die zweiti Saison wird härt, d‘Manne lönd grüesse – händs doch bitter müesse büesse.

Dass d‘Fraue richtig parat sind – git’s im Trainerstab jetz frischä Wind.

Dä Röbi bliibt - Frisur, OBEN OHNE – mit viel Kompetenz i dä Coachingzone.

Au er bliibt debi, wie chönnts andersch sii – DANKE Guy.

Für mich isch Trainerkarriere verbi – Ufstieg - Ligaerhalt – s’chönnt nöd besser si.

Au eusä CAPITANO wird en zieh – Simi din Isatz überall vergessed mir nie.

Was bliibt isch eu allne DANKE säge – und viel Erfolg wünsche uf all eunä Wäge.

Nach 3 ½ Jahr heb au ich mini „SCHNAUZE“ und säge Adieu –

und frogt mich öpper wie isch dä Frauefuessball gsi – dänn säg ich - eifach schö!

 

Joomla templates by a4joomla